Shivcharan Jaggi Kussa

ਜੇ ਤੜਪਦਾ ਨਹੀਂ ਤੇਰਾ ਹਿਰਦਾ,
'ਕਿਸੇ ਨੂੰ' ਤੱਕਣ ਲਈ,
ਤਾਂ ਝੋਕ ਦੇਹ ਭੱਠ ਵਿਚ,
ਇਹੋ ਜਿਹੀ ਮੁਹੱਬਤ ਨੂੰ!
……
ਹਾਨਣ ਤਾਂ ਘੁੰਡ ਕੱਢ ਕੇ,
ਬੂਟੀਆਂ ਪਾਉਣ ਦੀ ਰੀਝ ਰੱਖਦੀ ਹੈ,
ਮਿੱਤਰਾਂ ਦੀ ਜਾਕਿਟ 'ਤੇ,
…ਤੇ ਤੂੰ ਤਾਂ ਕਦੇ ਘੁੰਡ ਹੀ ਨਹੀਂ ਚੁੱਕਿਆ,
ਸਹਿਮ ਅਤੇ ਸ਼ਰਮ ਦਾ…!
……
ਜ਼ਿੱਦੀ ਨਹੀਂ ਹਾਂ ਮੈਂ!!
ਕੂਕਦਾ ਹਾਂ ਪਪੀਹੇ ਦੀ ਲੋਚਣਾਂ ਵਾਂਗ,
ਜਿਸ ਨੂੰ ਸਾਗਰ ਦੀ ਨਹੀਂ,
'ਸਿਰਫ਼' ਇੱਕ 'ਬੂੰਦ' ਦੀ ਚਾਹਤ ਹੁੰਦੀ ਹੈ!
ਤੂੰ ਮੇਰੀ ਓਹੀ ਬੂੰਦ ਹੀ ਤਾਂ ਹੈਂ ਮੇਰੀ ਜਿੰਦ!!
ਕਾਸ਼, ਤੈਨੂੰ ਮੇਰੀ ਇਸ ਗੱਲ ਦੀ ਸਮਝ ਆ ਸਕਦੀ!!!

****